07.12.2020 მღვდელმონაზონი ანდრია სარია - ეს არ არის ეკლესიური სწავლება
"სხვა რომ არაფერი ვთქვა, მინიმუმ ქრისტიანული სწავლებით დიდი უვიცობაა. სადაც ქრისტეა იქ: სიკვდილი, ავადმყოფობა და გაჭირვება არ მოგვეკარება?! ეს არ არის ეკლესიური სწავლება. ღმერთს სნეულებისას შეიძლება შესთხოვო შეწევნა, დახმარება და სიცოცხლის გახანგრძლივება თუ სხეული დაუძლურებულია, მაგრამ იქადაგო ეკლესიაში თუ დადიხარ ან ცხოვრობ არაფერი დაგემართებაო, ასეთი სწავლება პირველად მოვისმინე. მოციქულთა მიმდევრებიც კი მძიმედ სნეულდებოდნენ და სახარებაში გვაქვს არაერთი ადგილი. მოციქულ პეტრეს ოჯახისწევრებიც არ ყოფილან გამონაკლისი ცხელებისგან. ეკლესია არ არის მაგიური ადგილი, სადაც ადამიანებს ექნებათ გარანტია სხეულის სიმრთელისა. ღვთის შეწევნა არ ნიშნავს რომ ამ ქვეყნად ვიცხოვრებთ 200 წელი. კაცობრიობას საკმარისი და მძიმე საფიქრალი ისედაც ააქვს COVID-19 სახით, ესენი კი ჩამწკრივებული და ჭკვიანური სახით გვიყვებიან სისულელეებს."
წერს მღვდელმონაზონი ანდრია სარია.
Comments
Post a Comment