27.01.2021 თეოლოგი ვლადი ნარსია - ეპარქიის მარტო მღვდელი კი არა ეპისკოპოსიც უკიდურესად მავნებლურ და ამაზრზენ განმარტებას იძლევა
საქართველოს ეკლესიაში არ არსებობს საეკლესიო ეპიტიმიისადმი (სასჯელი) პატივისცემა. ამის გამო გამრავლდენენ თადეოზ სარალიძის მსგავსი სასულიერო პირები.
ეს მღვდელი საშინელ სიშლეგეს ქადაგებს, რომ თურმე ღმერთს შეიძლება შეეშალოს და გამოეპაროს ის დრო როცა ადამიანის ცხონება შესაძლებელი იყო და ის გაიზარდოს პარაზიტი. ან, უარეს შემთხვევაში ღმერთი ბოროტია (თადეოზი ღმერთზე კეთილი!), რადგან იმ დროს კი არ გაიყვანა ადამიანი ამ ქვეყნიდან როცა მისი ცხონება შესაძლებელი იყო არამედ ადროვა, დაელოდა როდის გაპარაზიტდებოდა რომ ჯოჯოხეთში მოეხვედრებინა. მეგობრებო, ბოდიშს ვიხდი, ასეთი სიშლეგის "განმარტება" რომ მიწევს, მაგრამ ამ ეპარქიის მარტო მღვდელი კი არა ეპისკოპოსიც უკიდურესად მავნებლურ და ამაზრზენ განმარტებას იძლევა, როცა ორაზროვან სიტყვებს ეძებს მისი რეგვენი მღვდლის გამართლების მიზნით.
Comments
Post a Comment